«Իզմիրլյան» ԲԿ կոլոպրոկտոլոգիայի բաժանմունքում կատարվել է հերթական, իր տեսակի մեջ առանձնահատուկ վիրահատություն. izmirlianmedicalcenter.com

Պացիենտ Ղ.Վ.-ն  ընդունվել է կլինիկա՝ գանգատվելով   որովայնի փքվածությունից և կծկող բնույթի ցավերից, գազերի դուրս մղման բացակայությունից: Վերոհիշյալ գանգատները նշում է  4-5 օր շարունակ:

 Պացիենտը  հետազոտվել է,  որի արդյունքում ախտորոշվել է. «Դոլիխոմեգասիգմա, սուր աղիքային անանցանելիություն»:  Վիրահատության ընթացքում որովայնում հայտնաբերվել է հաստ աղիքի ձախ կեսի խիստ արտահայտված փքվածություն՝ տրամագիծը  մոտ 15-20սմ,   պատերը՝ բարակած:

 Որպես բուժման առաջին փուլ կատարվել է ձախակողմյան հեմիկոլէկտոմիա՝ միփողանի տրանսվերզոստոմայի ձևավորումով:

Վիրահատության ընթացքում հեռացվել է մոտավորապես 1.5 մետր աղիքի հատված: Հետվիրահատական շրջանն ընթացել է հարթ: Դուրս է գրվել բավարար վիճակում:

Վիրահատությունից երկու ամիս անց կատարվել է ռեկոնստրուկտիվ վիրահատություն՝ վերականգնելով աղիքի ամբողջականությունը: Ներկայում աղիները գործում են կանոնավոր, գանգատներ չի նշում և զգում է լիովին առողջ:

«Իզմիրլյան» ԲԿ կոլոպրոկտոլոգիայի բաժնի վարիչ՝ Ա. Հակոբյան և վիրաբույժ- պրոկտոլոգ՝ Ս. Պողոսյան:

Հարցեր, պատասխաններ, մեկնաբանություններ